MTA!

今年十至十二月都唔係咁得閒, 之前已經買落一 d 鬼佬鬼節用既指甲貼紙, 到左十月廿九日, 諗住搽左 d 指甲油先, 第二日貼貼紙, 都可以應下節, 點知個日連搽指甲油都唔成功, 唔知係咪隻指甲油麻麻地, 等極都唔乾, 以為乾左去瞓覺, 點知起身個甲面有好多手指模, 好明顯係我自己瞓左整落去既…

到左三十號晚, 都知道整完都唔放得耐, 就乜都唔理一口氣搽甲油貼埋貼指, 點知又 ok 喎, 可能個晚唔係太夜開始整, 同埋冇搽咁厚, d 甲油夠時間乾啦!

搽甲油同玩花兩方面我都好生手, 所以成個制成品其實冇 theme 既, 冇乜問題同埋冇缺陷我就當成功啦… 不過整完真係覺得好開心, 成日都會望住自己隻手. :-p

右手: 默綠色指甲油再加白色鬼貼紙… 鬼火同星星都係貼紙黎架!

左手: 手甲留得比右手長, 同埋唔知係咪右手主理既關係, 成日都整得靚過右手. nude 色甲油, french 邊油閃粉黑色甲油, 再加灰色扮漸變, 再加比較深色既貼紙… 完成! 今次我既制成品我最鐘意係 spider and web, 因構圖有趣, 但其實 jolly roger 係貼得最好 (技術層面黎睇).