MTA!

終於都考完試啦… 尋日一考完, 即刻去食返餐好既同埋返屋企煲返 d 電視劇集… 攪到好夜先瞓, 而家又烏眉瞌睡同埋心不在焉, 因為有 d 擔心唔知會考成點!

成個考試兩個鐘, 5 條題目入面揀 3 條作答, 全 essay type, miss 之前俾左 d sample question 我地睇, 跟住仲同我地 discuss 左下點樣答題… 當時已經知道大鑊, 因為, 並唔係我以為既齋讀或者死背書, 係要分析同埋 argue 既, 即係俾個前題然之後 elaborate, 講正反兩面, 又要有立場, 仲要乜野諗到有關係既都要拉埋落水講一餐…. 睇返 d 舊 paper, d 題目都唔係咁出既, 好實在, 好 precise, 只係背下書就會合格o個隻, 唉, 我諗我都係黑仔一族啦, 撞正佢地轉制! 咁我梗係騰晒雞, 因為都唔知應該點讀好… 本來就好有計劃咁諗住睇晒 miss 預備既 notes 跟住就去搵晒佢建議既 materials 返黎睇晒佢, 再預先做定 d analysis… 點知, 其實睇我個 blog 都知, 我真係心散到不行, 仲日日有 post 出, 前兩晚仲走去睇 phantom… 所以, 到考試之前都只係睇晒所有 lecture notes, 冇乜點再去理其他既讀物… 至於乜野考前分析, 就梗係冇時間做啦!

所以, 尋日考完, 我自己都好惘然, 因為都唔知自己考成點, 唔知自己答得岩唔岩, 唔知自己對唔對題! 淨係知自己將所有 related 既野寫晒落去, 而家諗返都覺得自己牛頭唔答馬嘴. 不過而家唔緊要啦, 都考完咯, 到有成績出先至諗下自己係唔係適合讀呢樣野.

依家, 我要盡情玩樂!!!

嘻嘻，唔係大家諗O個樣，請唔好諗埋Ｄ衰野。

我辛苦左一輪既功課，係七月尾交左之後, 就係上個星期五攞返喇。疑惑既係，我攞左個Ｂ，咁即係點呢？即係我考試既成績係Ｂ既話，咁我呢一科最後出黎既 Grade 就會係 Ｂ？ 咁如果個科係Ｂ既話，又會係點計平均分計乜野 Honour 唔Honour 既呢？好麻煩，我以前讀書都唔洗理咁多野既，全部都係計分，一目了然。定係其實係有個分數既，佢俾個Ｂ只係俾我知道個 Range，自己醒水考試要勤力Ｄ？但係，都答唔到我個問題，如果而家攞左Ｂ，係咪我只要考試合格就一定會 Pass?

下個星期就考試喇，好似越近呢Ｄ時間就越會心散同胡思亂想…呢個真係我呢種人既致命傷，鬼死咁心散，但係又唔見棺材唔流眼淚，到星期三我一定急到跳舞，唉… 我咁樣點可以畢到業呀？

唉, 所謂財不入急門, 我諗呢句說話真係好很 apply 到去我昨日的經歷度.

有鑑於每一次 tutorial 我的表現都不算好: 一係 prepare 左tutorial a, 上堂時却變成 discuss tutorial b, 一係就我 academically focus on d 題目, 最後討論的重點是社會性的, 又或者我預備好了, 上堂時又不記得自己預備了甚麼 (雖然這個絶對是自己扺死). 我承認我自己對於再度讀書的情況還在習慣中, 正在訓練自己分秒必爭, 但其實很難, 人老了, 已經沒有初出茅廬時日做夜又讀參考書的狠勁, 時間就像永遠不夠用似的.

好喇, 講返正題. 因為我太緊張了, 尋日又要交 research cases 功課, 之後又要討論返一個之前 skip 左既 tutorial, 我尋日咪 lunch 特登溫返之前預備左既野囉… 點知, 放工既時候因為要招呼 user, 咁我遲左十分鐘左右離開公司, 一直用跑的去地鐵, 又幸好 catch 了所有列車, 應該最多只會遲 5 分鐘…但係, 意外就發生係由太子往石硤尾既車程上, 列車未駛入石硤尾月台時, 因為月台上的列車故障, 我們在隧道裡呆等了 15 分鐘… 唉, 這樣少的事故, 一定不會上新聞, 但又累我遲到差不多半堂 tutorial, 遭受那導師的白眼, 真的很不甘心! 原本是因為希望趕及交功課才硬著頭皮遲到也頭 dup dup 地進入課室, 但他郤說那天不用交, 可以等到 18 號!! 有冇攪錯, 早知係咁我就索性 skip 左堂 “調拖” 啦, 既唔洗樣衰衰之餘, 我又唔洗趕到索晒氣!! 同埋 even 我預備左呢個 tutorial 既野, 佢都冇興趣知!

今次令我覺得沮喪既主要原因係, 我而家俾佢點左相, 呢個 course 既 participation 分睇黎都凍過水啦! Honey 問我點解咁唔開心, 我話, 我越緊張一樣野, 果樣野有乜唔順利, 個反彈就梗係越大架啦, 我對呢個 degree 係好認真, out of 我既人生 (除左 honey 同埋屋企人) 絶對係 first priority, 所以, 我真係覺得個天係度玩緊我…

開了課已經一個月了, 上了七堂課, lecture 問題不大, 因那女導師英文不錯, 講解清晰, 我暫時都未發生在課堂中打瞌睡事件 (想當年小妹絶對是一個瞌睡王, 享譽同班華人不特止, 連 prof 都會知道那一種… ahhem, 實在不是甚麼值得炫耀的事) 而且, 每一課都有新知識吸收到, 和看英文書籍和資料的習慣性也回來了, 到今日, 我覺得所繳交的學費是沒有浪費的的.

不過, tutorial 便慘了. 那個男 tutor 的英文說得很快, 亦有頗重的香港 accent, 不算太容易 catch 他要說甚麼 (雖然過了一個月, 也習慣得差不多, 情況已經改善了) 我覺得他要求我們有很的反應, 但應該可以理解, 香港學生由少至大, 一直都不是 aggressive type, 尤其是課堂上一定會比較被動, 老實說, 有時候就算我有預備, 對所問的知道答案, 也不會立即巴啦巴啦的喊出來, 雖然我相信, 揀選了這一科, 我可能要改變一下我的想法和態度.

除了溝通問題外, 他的神經刀玩法我也招架不了, 已經試過數次, 就是他明明說過下一課會討論那一份 tutorial, 但到了那一天, 所討論的又改了, 或會走前一步 (我們根本連堂也未上), 或會返回之前未討論的題目… 他對討論的 focus 也會隨心情 (?!) 轉換, 有時會很 academic, 但很多時會要求我們 being critical (我的弱項!), 討論的 scope 要 beyond the materials… 我雖然有準備, 但很多時因他的 focus 變化很大, 問到我時我會腦中一片空白, 啞口無言. 這樣真係很 depressing, 有好幾次我上完 tutorial 都會覺得自己很不濟, 是不是不適合讀這科?

現在肉在砧板上, 我也要繼續下去, 不過 time management 真的有點麻煩, 因為 assignment 在這個月尾 due, 每一堂 lecture 我也希望備課, 又要 handle post-lecture 的 notes organizing, 現在還要 預備這些 demanding 的 tutorials, 以現在的 schedule 來看, 我真的有點擔心我在月尾會趕不及做完那份佔總分 40% 的功課… then I’ll be screwed!

雖然這句說話已經不再流行了 (聽到厭!), 但它真是我昨天上完第一堂課後的感覺. 今天便要上第二堂, 我昨晚已經坐立不安呢. 我是一個電視迷, 我本是對看甚麼節目不太揀擇的, 只要吸引到我興趣追看下去我都會乖乖地坐在電視機前等開場 (eh… 雖然有人會不太讚同這一點). 不過, 由今天開始, 我再可以 full-time employed by my tv 啦.

說回正題. 昨天, 在正式上堂之前上了一課 tutorial, 基本上是要我們討論 material 上的個案. 我有些措手不及, 和驚訝於大部份同學對法律的認識. 但, 同時, 我也有不滿, 就是帶領我們討論的 tutor 所用的方式並不算很適合我. 我承認, 若我已經上一個 semester (即不是現在那麼 fresh)的法律課程, 可能我會很 appreciate 這種開放的討論題目, 可以讓我自由發揮. 但是, 我只是一個新仔呀… 你問我可以從個案裡 identify 到有那一種法律, 我可能連那一種法律的英文稱呼也不甚懂, 我怎麼跟你 discuss 呀!

但是, 上堂的時候, 那個 lecturer 郤很好, 因為她並不會 expect 從我們口中會聽到很深奧的答案, 很切合大部份是新人的課堂. (我的 first impression) 她很 friendly, 可能知道大部份都是有正職的大人, 但亦有對自己決定的堅持 (例如不會有 open book exam).

過了午餐時間, 對今晚課堂的準備, 我不算太充分, 真有點擔心. 今晚又會是一個難熬的夜晚.